Kaleko margo lehiaketaren 31. aldia egingo dute urriaren 12an, bihar. Interesa duen edonork parte har dezake lehiaketan. Estiloari eta teknikari dagokionez, librea izango da, eta edozein material erabiltzeko aukera egongo da –margolariek eraman beharko dute beharrezko guztia–. Euskarriari zigilua Aramaioko udaletxean jarriko diote, egunean bertan, 09:00etatik 11:00etara. Lanak aire zabalean egingo dira eta herriko irudietan oinarritu beharko dute.
Sariak
16 urtetik gorakoen kategorian lehenengoak 700 euroko saria irabaziko du; bigarrenak, 500 eurokoa; hirugarrenak, 400 eurokoa; eta lehen aramaioarrak, 150 euroko saria.
16 urtetik beherakoen kategorian –2006 urtean jaiotakoak barne–: lehenengo saria, 150 euroko bale bat pintura materiala erosteko; bigarren saria, 100 euroko balea; eta, hirugarren saria, 50 eurokoa.
