Udalak antolatutako eskaintzaren barruan hiru ikastaro daude: alde batetik, C1 edo EGA azterketa prestatzeko aukera dago. Aukera hori aproposa da C1 ziurtagiria atera nahi dutenendako. Beste aukera bat mintzapraktika ikastaroa izango litzateke. Taldeetan elkartzen dira eta euskaraz berba egiteko gune aproposa izaten da. Berba egiteaz gain, gramatika, aditzak... errepasa daitezke. Joan den urtean ibilitakoek taldearekin jarraitzeko interesa erakutsi dute. Horrez gain, interesa duen edonork izango du taldean sartzeko aukera.
Hirugarren aukera da erretiratuen taldearen ikastaroa. Hain zuzen ere, Alaiak erretiratuen elkartean izango da ikastaroa: goizetan eman beharko da izena, alaiak202@gmail.com helbide elektronikoan.
Ikastaroetarako izena udaletxean eman beharko da, 945 44 50 16 telefono zenbakian; ondoren antolatuko dira taldeak.