Aramaioko bederatzi etxetan egindako sagardoa dastatzeko aukera izan dute gaur, domeka, eguerdian herriko plazara hurbildutakoek. Kurtzetagain plater tiroketa elkarteko kideek egin dute Txotx Irekiera ekitaldia herriko bertsolarien eta dantzarien laguntzarekin.
Sagardoa edan eta taloak jan bitartean, lagunartean egon eta jolaserako aukera ere izan dute herritarrek antolatzaileek makarroiez betetako potean zenbat ale zeuden asmatzeko ahaleginetan. Bada, 679 ale zeuden guztira, eta Gorka Astondoak irabazi du askotariko jakiekin osatutako otarra, 666 makarroi zeudela apustua eginda.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.