Parkean dagoen Bizente Goikoetxearen eskultura berriztu egingo dute. Asteon egingo ditu lanok Artyco enpresak. Arabako Foru Aldundiko Kultura Sailak emandako dirulaguntza erabiliko dute berrizte lanetarako. Kultura Sailaren dirulaguntzetara aurkeztu zen Aramaioko Udala eta %80ko laguntza eskuratu du. Eskultura berrizteak 3.473,31 euroko kostua izango du; lortu den laguntza 2.778,64 eurokoa izan da.
2016. urtean jarri zuten eskultura parkean, Goikoetxea musikariaren heriotzaren mendeurrena ospatzeko.