Gorbeialdeko Kuadrillak XX. argazki lehiaketa jarri du martxan Orain Gorbeialdea, inoiz baino gehiago izenarekin. Gorbeialdeko kuadrilla osatzen duten herrietan egindako argazkiak onartuko dituzte bakarrik; hau da, Aramaio, Arratzua-Ubarrundia, Legutio, Urkabustaiz, Zigoitia eta Zuia herrietan egindakoak.
Gaia librea
Argazki lehiaketaren gaia librea da. Ingurumen naturalean, sozialean eta artistikoan egindako argazkiak, eraikinak, ohiturak, ekitaldi kulturalak, azokak eta jaiak, pertsonak, bisita gidatuak, esperientziak, gastronomia, eskualdeko jarduera ekonomikoarekin lotutako argazkiak... izan daitezke, adibidez. Argazkietan ezin izango da enpresen izen komertzialik agertu.
Sariak
Lehiaketako sariak izango dira Gorbeialdeko Kuadrillako edozein saltoki edo establezimendutan gastatzeko txartelak. Sarituko dira lehiaketaren argazki irabazlea eta bi argazki udalerri bakoitzeko –guztira 13 sari–:
- 1. saria: 150 euroko txartela .
- Udalerriko argazkien sariak: 1. saria: 100 euroko txartela; 2. saria: 75 euroko txartela.
Argazkiak aurkezteko epea
Argazkiak aurkezteko azken eguna urriaren 13a izango da. Lanak posta elektronikoz bidaliko dira argazkiak@gorbeialdea.eus helbidera. Hauek dira argazki lehiaketako arauak.