Felix Ajuria aramaioarra, Idiazabal Jatorrizko Izendapen Babestuaren lehendakari

Felix Ajuria. (Argazkia: Gabriel Fernandez Guevara)

Aramaioko Kerixara baserriko artzain eta gaztagilea jarduneko lehendakari izan da orain artean. Maider Martinez legutioarra izango da lehendakariordea

Uztaila erdialdean Kontseilu Arautzailearen Osoko Bilkuran hautatua izan ostean, Felix Ajuria aramaioarrak hartu du Idiazabal Jatorrizko Izendapen Babestuaren lehendakari kargua.

Aramaioko Kerixara baserriko artzain eta gaztagilearentzat, baina, ez da ardura berria, 2021eko otsailetik jarduneko lehendakaria izan baita Jose Mari Ustarrozen lekua hartuz. Horren aurretik ere, lehendakariordea zen.

Ajuriak beste arabar bat izango du lehendakariorde, Maider Martinez legutioarra. Zentzu horretan Aramaiokoa “pozik” agertu da lana pertsona gazte batekin partekatuko duelako eta gaineratu du Jose mari ustarrozekin garatzeko aukera izan zuen ildo “sendo eta oso emankor” bati “frekostasuna eta ideia berriak” eskainiko dizkiola.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.