Arabako Mendiak Aske plataformak deituta mendi ibilaldia egingo dute zapatuan, Aramaion. Arabako mendietan eolikoak jartzeko hainbat proiektu daude aurreikusita; bada, mendi horietara egingo dituzte ibilaldiak. Proiektuak bertan behera uztea eskatzea izango da helburua.
12 kilometroko ibilaldia
Lehenengo ibilaldia zapatuan egingo dute, uztailaren 23an: 09:00etan irtengo dira frontoitik eta 12 kilometroko ibilaldia egingo dute –motzagoa izango den beste bat ere badago, 8 kilometrokoa, Kruzetatik irten eta han amaituko dena–. Hamarretakoa egingo dute Asenzio azpiko zelaian.
Mendi ibilaldiak
Beste lau mendi ibilaldi ere egingo dituzte:
- Azazeta, abuztuaren 20an.
- Orozko, irailaren 10ean –kanpaldia eta kontzertuak baita–.
- Kantoblanko, irailaren 24an.
- Amurrio, urriaren 29an.
- Gasteiz, kontzentrazioa egingo dute azaroaren 26an.