Gaur hasi eta domekara bitartean, Santa Marina jaiak ospatuko dituzte Arexola eta Arriola auzoetan. 20:00etako etxafuegoen ondoren, 21:00etan, bertso afaria izango dute Amets Arzallus eta Alaia Martin bertsolariekin.
Bihar, zapatua, 12:00etan, meza izango dute, eta ondoren, bizikleta lasterketa. Ibarratik irtengo dira ziklistak eta Arexolaraino igo beharko dute. 17:00etan, kanpai-jotze erakustaldia izango dute, eta 17:30ean, mus eta briska txapelketak. Ondoren, kalejira egingo dute Arexolatik Arriolara. Gauean, dantzaldia izango dute Astiazaran II eta Andonegi trikitilariekin, eta goizaldean, txokolatea bizkotxoarekin. Domekan, 12:00etan meza eta 18:00etan jolasak.
