Aramaixo Herri Eskolan ikasturteko azkeneko eskola eguna izan dute gaur. Bada, urtero moduan, LH6. mailakoen agur ekitaldia izaten dute gaur. 15 ikaslek agur esan diote Aramaioko eskolako ibilbideari; datorren ikasturtean Arrasatera joango dira etapa berri bat ekitera.
LH5. mailakoen bertsoak entzun dituzte lehenengo: LH6. mailakoen izenak banan-banan aipatu dituzte bertsotan. Ondoren, eurek egin dute bertsotan eta eskola komunitate osoa eskertu duten urte hauetako ibilbidean ondoan izateagatik.
Eskolako ekitaldietan eta jardueretan egindako argazkiekin osatutako ikus-entzunezkoa ikusi dute, eta ondoren eskolako kantua abestu dute ekitaldia amaitzeko.