Ikastolen Elkarteak eta Bertsozale Elkarteak antolatzen duten txapelketaren 34. edizioa izan da aurtengoa. 14 eta 18 urte bitarteko gazteek jardun dute bertsotan, ohi moduan; izan ere, hori da txapelketaren helburua: gazteei jendaurrean bertsotan aritzeko "plaza eskaintzea" eta "zaletasuna bultzatzea".
Danel Herrarte, Aetz Etxart, Beñat Astiz, Daia Harluxet, Eki Mateorena, Izaro Bilbao, Haira Aizpurua, Irantzu Idoate, Jon Mendiluze, June Aiestaran, June Diaz eta Maddi Agirrek egin dute gaur bertsotan, eta azken sei bertsolariak izan dira bigarren zatira sailkatu direnak. Azkenik, Irantzu Idoatek lortu du 2022ko Euskal Herriko Eskolarteko txapela eta Maddi Agirre izan da txapeldunorde.