Sanjuanak ospatuko dituzte Azkoaga auzoan, urtero moduan. San Juan egunaren bezperan,ekainaren 23an, haur eta gazteendako jolasak izango dituzte,19:00etan. Ondoren, ginkana egingo dute, eta 20:30ean, parrilladaren ordua izango da. San Juan sua 22:00etan piztuko dute, eta ekitaldia girotuko dute Sorgin Kalejira trikitilariek.
San Juan egunean, meza esango dute, 12:00etan. 12:30ean, parrillada egingo dute, trikitilariek girotuta. Arratsaldean, bestelako jolasak izango dituzte: 17:00etan, umeendako puzgarriak; eta 18:00etan, mus eta briska txapelketak.
Zapatuan, ekainaren 25ean, ardo dastaketa egingo dute Arteaga jatetxeko sommelier Maider Arteagaren laguntzarekin. Hogei lagunendako lekua egongo da eta izena eman beharko da, 2 euro ordainduta. 21:00etan, auzo afaria izango dute: oilasko-izterrak edo saiheskia aukeratu beharko dira. Izena emateko, deitu 659 73 47 17 telefono zenbakira.