Aramaioko Udalak bigarren aldiz antolatu du herria txukun eta polit izateko lehiaketa. Aramaio Loratzen lehiaketak etxe-atari, balkoi eta leiho txukunenak sarituko ditu. Parte hartu nahi duten herritar guztiek izango dute parte hartzeko aukera: izena emateko azkeneko eguna ekainaren 17a izango da. Udaletxean eman behar da izena, hara joanda edo telefonoz deituta: 945 44 50 16. Izen-abizenak eta ataria, leihoa edo balkoia identifikatzeko helbidea eman beharko dira –astelehenetik barikura, 09:00etatik 14:00etara–.
Balorazio irizpideak
Balkoiak edo leihoak apainduta eduki beharko dira, gutxienez, ekainaren 24ra arte. Sariak ematerakoan kontuan izango dute: originaltasuna, kalitatea, loreen iraunkortasuna, harmonia eta diseinua eta erabilitako materiala.
Sariak izango dira: leiho eta balkoien kategorian, 200 euro; etxe-atarien kategorian, 200 euro; eta parte hartzaileen artean zozketa bidez, 50 euro.