Etzi, ekainaren 5ean, Santi Kurtz eguna ospatuko dute. Aspaldiko ohitura da Aramaion, eta ekaineko lehen domekako urteroko hitzordua izaten da aramaioarrendako. Arriola eta Arexola auzoetako bizilagunek antolatzen dute herri guztiarendako. 12:00etan izango dute eguneko hitzordu nagusia: meza esango dute Orixol mendirako gailurrerako bidean dagoen Santi Kurtz ermitan.
Ondoren, ermitatik 200 bat metrora dagoen txabolan jatekoa eta edatekoa izango dute. Salda beroa eta txorizoa jarriko dute auzotarrek, bestek beste, hara joango diren auzotarrendako eta mendizaleendako. Izan ere, eguraldi onarekin, mendizaleak ere batzen dira Santi Kurtz eguneko ospakizunera. Gainera, herrik trikitilariek girotuko dute domekako ospakizuna, trikiti doinuekin.
