Bi eguneko musika eskaintza izango du aurtengo Eguzkierripa rock jaialdiak

Argazkia: The Clayton.

Bariku gauen eta zapatu arratsaldean izango dira kontzertuak.

Musika protagonista izango den aste bukaera antolatu dute Gazte Asanbladako kideek. Eguzkierripa rock jaialdiko XIII. edizioak aldaketa txiki batzuk izango ditu: bi egunera zabaldu dute egitaraua; baina, bestalde, zapatuan ez da bazkaririk egongo.

Bihar, barikua, hasiko dira musika emanaldiekin. Hip-hop, rap eta trap doinuak izango dituzte gaur, iluntzean, 22:00etan hasita Bizente Goikoetxea plazan. Gasteizko Do No Shit taldeak rap doinuak ekarriko ditu; ondoren, Aramaioko eta Arrasateko musikarien txanda izango da: Mutiko, Tatta, Denso eta Etxepe izango dira musikariak; eta emanaldia amaitzeko ardura izango dute An2an eta Eteranal disko-jartzaileek.

Zapatuan, ohiko emanaldien txanda izango da Andra Mari ermitaren kanpoaldean. Arrasateko Cristian&Olatz bikoteak formatu akustikoan egingo du emanaldia; ondoren, Broken Legacy, Bordan Bizio, Balarrasa, Saia Goait, The Clayton eta Lukien taldeen txanda izango da. Musika emanaldiak 18:00etan hasiko dira. Antolatzaileek esan dute Andra Mari ermitaren kanpoaldean txosna jarriko dutela, eta, horrez gain, ogitartekoak ere salduko dituztela.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.