Araba Bizirik! plataformak deituta 'Tapia legearen' aurka egingo dute zapatuan, Gasteizen

Prentsaurrekoa, Gasteizen. Argazkia: Araba Bizirik.

Arabako Mendiak Aske plataformak deialdiarekin bat egin du. Manifestazioa Bilbo plazatik irtengo da, 19:00etan.

Araba Bizirik! lurra defendatuko dugu plataformak deitu du manifestazioa, eta Arabako Mendiak Aske taldeak bat egin du deialdiarekin.

Tapia legea deritzonaren aurkako manifestazioa izango da. "Lege horren arabera, Goi-mailako Interes Publikoko Proiektuak izeneko figura sartu da; eta Tapia II legearen arabera, oraindik Eusko Legebiltzarrean izapidetzen ari dena, figura hori Goi-mailako Intereseko Proiektu pribatuetarako sartu nahi da", azaldu dute Arabako Mendiak Aske! taldeko kideek ohar bidez.

Hori horrela, maiatzaren 14an, zapatua, Gasteizko Bilbo plazatik 19:00etan irtengo den manifestazioarekin bat egingo dute, eta herritarrak animatu nahi dituzte manifestazioan parte hartzera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.