Zapatuan, maiatzaren 7an, egingo dute Gazte Eguna Aramaion. Egitarau zabala prestatu dute. Goizean hitzaldia egingo dute sare sozialen erabileraren inguruan.
Bazkaria: paella beganoa
14:30ean bazkaria egingo dute eskolako patioan. Bazkarirako txartelak 10 euroren truke eros daitezke Aramaioko Añai tabernan eta Arrasateko Jai Zale tabernan. Txartelak eguenera arte eros daitezke. Gazte Asanbladako kideak ibiliko dira bazkaria prestatzen: paella beganoa egingo dute, eta horrez gain postrea eta kafea ere egongo da.
Pilota partiduak
Arratsaldean pilota partiduak izango dituzte kanpoko frontoian: emakumezkoen eta gizonezkoen partiduak.
Musika kontzertuak
Eguna musikarekin amaituko dute: Bidelapurrak eta Dirty Old Gasteiz taldeak igoko dira taula gainera. Eguraldi onarekin eskolako kantxan egingo dituzte kontzertuak. 01:00etatik aurrea Dj-ak jarriko du musika Añai tabernan.
