Publikatu dute kultura, kirol eta gizarte arloetako dirulaguntzen deialdia. Eskaerak egin nahi dituztenek apirilaren 7ra arte izango dute horretarako. Oinarriak osorik ikus daitezke Aramaioko Udalaren webgunean.
Jaiak antolatzeko laguntzak
Horrez gain, auzoetako jaiak antolatu eta egiteko dirulaguntzak ere onartu dituzte dagoeneko. Jaien kasuan, bi epe zehaztu dituzte eskaerak egiteko: ekainaren 1era arte eta irailaren 1era arte. Eskatzaile bakoitzak erabakiko du noiz egin nahi duen eskaera. 13.500 euro dituzte laguntzetan emateko, eta helburua auzoetako jaiak eta erromeriak antolatzeko laguntzak ematea da.