Umorezko aste bukaera izango dute oraingoan Aramaion: AlgAramaio. Gaur hasiko dituzte ekintzak, gaztetxoei zuzendutako dantzaldiarekin.
Kiroldegian izango da, 17:30ean, Ind-Jones musikariaren saioa.
Bi antzezlan
Bihar, zapatua, helduei zuzendutako Me too antzezlana eskainiko dute kultura etxean. Ainhoa Aierbe eta Tessa Andonegi izango dira protagonistak. Sarrera 5 euro izango da eta lortutako dirua Aita Mari proiektura bideratuko dute.
Domekan ere umoreari eutsiko diote, Trokolo teatro taldearen eskutik. Txus & Txu antzezlana egingo dute, familia osoari zuzendutakoa. Sarrera 2 euro izango da eta, zapatuko saioan egingo duten moduan, jasotako dirua Aita Mari proiektura bideratuko dute.
Sarrerak aurrez erosi behar dira, online, entradium.com atarian.
