Victoria Eugenia Antzokitik adierazi dutenez, "azken orduko osasun arrazoiak" eragin dute atzerapena. Urtarrilaren 29ra aldatu dute kontzertua, eta urtarrilaren 4rako erositako sarrerak baliagarriak izango direla jakinarazi dute. Joaterik ez dutenek dirua itzultzeko eskatu beharko dute.
Gasteizko Jimmy Jazz aretoan ere bertan behera utzi dituzte urtarrilaren 28ra arteko kontzertu guztiak. Jakinarazi dutenez, COVID-19a dela-eta ezarri diren azken arauak izan dira horren arrazoia.
Urtarrilerako iragarrita zituzten kontzertuen artean daude Asurmendik eta Olatz Salvadorrek egubakoitzean eskaini behar zutena. Martxoaren 31ra atzeratu dute. Era berean, zapatu honetan eskaintzekoak ziren Rebel Noise eta La Excavadoraren emanaldiak ere atzeratu egin dituzte martxoaren 25era arte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
