Umeei zuzendutako jaialdia da, eta arte eszenikoak umeei gerturatzea du helburu. Hala, aste bukaerako ekitaldiak umeendako izango dira: bihar, zapatua, 18:00etan, Leihoak ikuskizuna egingo dute; eta etzi, domeka, Kulunka musika emanaldia.
Paraiso antzerki taldeak egingo du Leihoak lana, 2 eta 5 urte bitarteko umeendako. Gaua, hotza eta haizea dira protagonista nagusiak istorioan; horien artean, gauaren itzalean dantzari baten silueta agertuko da, bere beso loretsuekin.
Kulunka kontzertua, aldiz, 1 eta 4 urte bitarteko umeendako izango da. Hiru musika estilo nahastuko dituzte emanaldian: klasikoa, jazza eta etnikoa. Ikusle txikiendako opari bat izan nahi du Kulunka-k.
