'Jolas molaz' tailerra egingo dute, umeendako eta gurasoendako

Arantzazu Ezkibel Galdos 2021ko aza. 29a, 09:00

Euskarazko mahai jolasak ezagutzeko eta probatzeko aukera egongo da eguaztenean, abenduaren 1ean. Euskararen Egunaren barruan kokatzen den ekimena da. 17:00etan izango da, kultura etxean.

Aurten ez da Euskaraldirik egingo; hala ere, ekimen berezia jarri dute martxan hainbat herritan; tartean, Aramaion: Haurren aurrean, helduak heldu.

Umeak eta gurasoak

Ekimen horren barruan, Aramaion Jolas molaz tailerra egingo dute, 3 eta 12 urte bitarteko umeei eta euren gurasoei zuzendutakoa. Ekimenean parte hartzeko aurrez izena ematea eskatu dute: udaletxean edo liburutegian eman daiteke izena. Jolas molaz tailerrean euskarazko mahai jolasak ezagutu eta probatuko dituzte.

Helduek euskaraz egitea

Helburu nagusia da haurren zuzeneko heldu erreferenteek euskaraz egitea euren artean. Modu horretan, hizkuntza-prak-tikak aldatzea eta euskara gehiago erabiltzea nahi dute. Umeen eredu diren helduen euskarazko portaerak bultzatuta, haurrek euskaraz hitz egitea normaltzat hartzea eta hizkuntza portaera hori barneratzea.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak