Arabako Bertsozale Elkarteak eta Arabako Aleak elkarlanean antolatu dute, bigarrenez, bideo kopla lehiaketa. 14 urte arteko arabarrei zuzendutako lehiaketa da. Bertsolaritza eta teknologia berriak uztartuz bertsolari gazteen sormena sustatzea helburu du lehiaketak.
Aurtengo proposatu duten gaia hauxe da: bihurrikeriak. Parte hartzeko, hiru eta sei kopla bitartean osatu beharko ditu talde bakoitzak, koplak bideo formatuan grabatu eta azaroaren 19rako bidali Aleara –galdetegia beteta–. Argibide gehiago 695 63 28 62 telefono zenbakian emango dute. Sari banaketa abenduaren 2an izango da.
