Eskualdeko langileei, enpresei, ekintzaileei eta langabetuei zuzendutako formakuntza saioak izango dira. Ikastaro gehienak Murgian izango diren arren, beste herriren batean egiteko aukera zabalik utzi dute antolatzaileek.
Matrikulazioa doan izango da eta izena eman beharko da Gorbeialdeko Kuadrillan, 945 43 01 67 telefono zenbakian edo ekonomia@gorbeialdea.eus helbidera idatzita. Ikastaroek plaza mugatuak izango dituzte; hori horrela, izen-ematearen hurrenkera jarraituko da taldea osatzeko.