Urrian hasiko dituzte euskara ikastaroak, baina horiek antolatu ahal izateko, izen-emate epera ireki dute.
Hiru eskaintza prestatu ditu Aramaioko Udalak:
- C1-EGA prestatzeko ikastaroa. Interesa duten pertsonek izena eman eta ondoren antolatuko da taldea eta ordutegia. Zuzenean bideratuko da azterketa prestatzera.
- Mintzapraktika ikastaroa. Euskaraz berba egiteko, gramatika errepasatzeko... aukera izango dute.
- Jubilatu taldearen ikastaroa. Alaia jubilatu taldeak antolatu, goizetan izango dira eskolak. Aurreko ikasturteko esperientzia aberasgarria izan zenez jarraipena ematea erabaki dute. Interesatuek idatzi alaiak202@gmail.com helbidera.
Izen-emate orokorra: udaletxean egingo da –945 44 50 16– datorren irailaren 27ra arte.