Protokolo berria bai langileek eta baita herritarrek ere bete beharrekoa da.
- Udaletxea: protokoloa bera da, beraz, banan-banan artatuko dira herritarrak, tinbrea jo ondoren.
- Kultura etxea: ludotekako erabilera bera izango da; hau da, HH astelehen, eguazten eta egubakoitzetan; eta, LH martitzen eta eguenetan. Eskolan iaz bezala burbuilak zainduta funtzionatuko dutenez, ludotekan ere horixe zainduko da. Geletako edukierek berdin jarraituko dute, 1,5 metroko distantzien arabera kalkulatu ziren bere momentuen. Aretoko edukiera %60an finkatu da. Kultura etxearen sarreran ezin izango da egon, beraz, iaz bezala aretoa irekiko da arratsaldetan, bertan egon nahi duenarentzat.
- Musika etxea: Kasu honetan protokolo berria zehaztu da, bertako erabiltzaileekin. Arau orokorrez gain, espazio bakoitzaren edukierak zehaztu dira eta eguneroko erabileran gorde behar diren kontuak ere definitu dira.
- Kiroldegia: Iaz ezarritako sistemarekin jarraituko da, hau da, kiroldegia erabili ahal izateko aldez aurretik egin behar da eskaera. Ikasturte osoan eskainiko diren jardueretan iraila-urrian finkatuko dira ordutegiak eta arauak. Horrez gain, puntualki egingo diren erreserbak ere onartuko dira. Izan ere, momentuz atea itxita egongo da.
- Sastiña: protokolo hau berria da eta oraindik zehazteke prozesuan dago.
