Urduri baina gogotsu joan dira gaur Aramaioko neska-mutikoak eskolara. Ikasturteko lehenengo eguna izan dute gaur.
105 ikasle izango dira
105 ikaslek hasi dute ikasturtea Aramaion. Eskolako zuzendari Saioa Uriartek azaldu du "oso ondo" joan dela eguna, eta "pozik" daudela.
Jaurlaritzako Hezkuntza Sailak ezarritako protokoloa bete beharko dute ikasturtean zehar: "Eskola txikia izanda ondo egokitu gara protokolora".
Gaztetxoak ere "gustura" irten dira gelatik. Lehenengo aste honetan goizez izango dituzte eskolak eta datorren astean hasiko dira goiz eta arratsaldez.
Eraikina
Eskolan aldaketa txiki batzuk egin dituzte eraikinean: lehen zikloko gelak elkartu egin dituzte.