Gorbeialdeko kuadrillak argazki lehiaketa deitu du.
Lehiaketako gaia librea izango dada, eta argazkiak izan daitezke ingurumen naturalean egindakoak, sozialak eta artistikoak, eraikinei egindakoak, ohiturak, ekitaldi kulturalak, azokak eta jaiak, pertsonak, bisita gidatuak, esperientziak, gastronomiari lotutakoak, eskualdeko jarduera ekonomikoarekin lotutako argazkiak –ostatuak, ostalaritza, merkataritza eta zerbitzuak, industria, nekazal ekoizleak, artisautza, etab.–; adibidez, enpresa baten barruan fabrikatzen ari den zerbaiten argazki bat izan daiteke, artzain bat bere eguneroko jardueran, jatetxe edo saltoki bat, etab. Argazkietan ezin izango da enpresaren izen komertzialik agertu.
Gorbeialdeko Kuadrilla osatzen duten udalerrietan hartutako argazkiak bakarrik onartuko dituzte; hau da, Aramaion, Arratzua-Ubarrundian, Legution, Urkabustaizen, Zigoitian eta Zuian egindakoak.
Lehiaketako sariak
Sariak izango dira Gorbeialdeko Kuadrillako edozein saltoki edo establezimendutan gastatzeko txartelak. Sarituko da lehiaketako argazki irabazlea eta bi argazki udalerri bakoitzeko –guztira 13 sari–.
1. Saria: 150 euroko txartela
Udalerriko argazkien sariak:
1. saria: 100 euroko txartela
2. saria: 75 euroko txartela
Lanak aurkezteko epea
2021eko urriaren 14a, eguena, izango da lanak aurkezteko azken eguna.
