Araua indarrean egongo da irailaren 19ra arte. Ezingo da sua egin: edozein motatako landa lurzorutan, mendi publiko zein pribatuetan, naturgune babestuetan, parke probintzialetan eta aisialdiguneetan, eta probintzia edo toki titulartasuneko errepideetako atsedenguneetan.
Era berean, debekatuta dago erretegiak, barbakoak eta sua egiteko instalazio eramangarriak eta finkoak erabiltzea. Tokiko parkeetan baimendutako barbakoak bakarrik erabil daitezke, eta egur-ikatza erabiltzea da gomendioa.