Durakogainen txalaparta saio libreak egingo dituzte, 11:00etan. Gainera, hara joango direnen artean txorizoa eta sagardoa banatuko dute. Giro aparta izango dute.
Aurtengo Mendi Parta eguna, baina, ez da Durakogainen amaituko. Ttakun txalaparta taldeko kideek Urmugako ekitaldian parte hartuko dute. Pago zaharren inguruan elkartuko dira ekimenean parte hartzeko eta txalaparta jotzeko. 13:30ean pago zaharren ekitaldian egoteko, Durakogaindik 12:30ean hartuko dute beherako bidea.
Ttakun taldeko kideak gogotsu daude; izan ere, hamabost hilabeteko etenaldiaren ondoren, ekitaldia egingo dute.