Cristina Etxenausia zinegotzia eta erretiratuen elkarteko presidente Migel Loiti izango dira inaugurazioan, 12:00etan. "Esker on hitzak izango ditugu parte hartu dutenendako. Oso garrantzitsua da herrian horrelako erakusketa bat izatea", dio Etxenausiak.
Hamazazpi artista
Herriko erretiratuen artean deialdia egin zuten: hamazazpik parte hartuko dute erakusketan. Denetarikoak egongo dira: margolanak, egurrezko lanak, buztina, argazkiak, beirarekin egindako lanak... Gainera, udaletxean dauden bi baskulak ere Sastiñara eramango dituzte.
Ordutegia
Erakusketako ordutegia izango da: bihar, etzi eta astelehenean, 12:00etatik 14:00etara eta 18:00etatik 20:00etara; uztailaren 9an, egubakoitza, 18:00etatik 20:00etara; eta uztailaren 10ean, zapatua, 12:00etatik 14:00etara eta 18:00eta-tik 20:00etara.
