Bilera begiraleekin eta izena eman dutenekin izango da. Aurre-lanketa bat egin dute dagoeneko, baina zer egingo duten, nora irtengo diren... Hori guztia erabakitzeko dago. Elkarren artean eta guztion gustuak kontuan hartuta adostu nahi dute egitaraua.
Kirol udalekuak
Ekintza eta kirol udalekuak uztailaren 19tik uztailaren 25era bitartean izango dira. 12 eta 16 urte bitarteko gazteei zuzenduta egongo dira eta ondo pasatzea izango da helburu nagusia.
Musika sortzen udalekuak
Aramaioko Udalak gazteei zuzendutako beste eskaintza bat ere badu uztailerako. Uztailaren 8tik 15era, 12-18 urte bitartekoei Musika sortzen udalekuak eskainiko zaie. Ideia musikala eta sormena lantzea izango da asmoa, eta abesti bat sortu eta graba-tuko dute.
Gaur da izena emateko azkeneko eguna
Aipatutako bi ekintzetan izena emateko azkeneko eguna gaur da, egubakoitza.
