Aramaioko eskolaren izena aldatzeko prozesua amaierara iritsi da. Eguenean egin zuten bozketa: sei proposamenen artean aukeraketa egin behar zuten aramaioarrek.
Bada, ondokoak dira bozketaren emaitzak:
- Aramaixo Herri Eskola: 69 boto
- Aramaixo Eskola: 59 boto
- Aramaio Herri Eskola: 36 boto
- Aramaio Eskola: 22 boto
- Orixolpe: 26 boto
- Tellamendi Eskola: 17 boto
Jakinarazpen ofiziala
Bozketaren emaitzak Ikuskaritzan eta Hezkuntza Sailean jakinarazi beharko dituzte orain. Behin Hezkuntza Sailak aldaketa onartu eta EAE-ko aldizkari ofizialean argitaratu arte ezin izango da izen berria erabili.
Elkarbizitza batzordeko kideek "eskerrak eman" nahi dizkiete prozesu hau "posible izan dadin" lagundu eta parte hartu duten ikasle, langile, guraso eta herritar guztiei.