Gazteei zuzendutako aisialdi eskaintza antolatu du Udalak: Gazte aisialdia programa. Aramaion bertan gustura egiteko ekintzak izango dira, eta bi ardatz izango dituzte: musika eta kirola.
Musika sortzen udalekuak
Musikaz gozatu eta ondo pasatzeko udalekua izango da. Ideia musikala eta sormena landuko dute eta helburua abesti bat sortu eta grabatzea izango da. Uztailaren 8tik 15era bitartean izango da. Irakasleak Manex Arriolabengoa eta Larraitz Arriolabengoa izango dira.
Ekintza hori 12 eta 18 urte bitartekoei zuzenduta egongo da.
Ekintza eta kirol udalekuak
Denen gustuko ekintzak prestatu eta horiekin ondo pasatzea izango da helburua. Uztailaren 19tik 25era bitartean egingo dute. Egitaraua prestatzeko bilera irekia egingo dute ekainaren 20an, 18:00etan udaletxean. Gidariak herriko gazte begiraleak izango dira.
12 eta 16 urte bitarteko gazteei zuzendutako ekintza izango da hori.
Prezioa 35 euro
Izena udaletxean eman beharko da ekainaren 18a baino lehen. Programa bakoitzeko 35 euro izango da prezioa.