Trikikalejira elkarteak antolatuta, hainbat emanaldi eta ikastaro egingo dituzte bihar trikitiaren bueltan.
12:00etan, trikiti jaialdia egingo dute kultura etxean. "Eskolatik pasa direnei keinu txiki bat egin nahi diegu, eta belaunaldi askotariko jendea batu. Trikitia eta panderoa lagun, ordu erdiko emanaldi motza baina era berean polita egingo dugu", dio trikiti irakasle Aritz Alustizak.
Arratsaldean tailerrak izango dituzte: perkusio tailerra Aitor Aranbururekin, kantu tailerra Larraitz Arriolabengoarekin eta irrintzi tailerra Oihana Amezkuarekin. Aurrez eman behar da izena.
18:30ean, kontzertuen txanda izango da. Frontoian izango dira, kanpoko aldean: Neomak eta Emon taldeen doinuak entzuteko aukera egongo da. Sarrerak eventbrite.es atarian eros daitezke; egunean bertan ere egongo da sarrerak eskuratzeko aukera.