Trinketean, aste bukaeran hiru jardunaldi izango dituzte: batetik, Markel Arriolabengoak atzeratuta zuen lehia jokatuko du gaur, egubakoitza: Maitena trinketean, 19:00etan, Amurrioko Arauzoren aurka. Partidu hori irabazten duenak zapatuan izango du hurrengo lehia, finalerdietan: Xabi Errastiren aurka, 16:00etan, Astronomos pilotalekuan.
22 urtez azpikoen kategorian, Asier del Campok, finalerdia jokatuko du bihar, 10:00etan, Amandoren aurka, Astronomosen.
Arabako Herriartekoa
Arabako Herriarteko Txapelketako hirugarren jardunaldian, Aramaiok 2-1 galdu zuen Amurrioren aurka. Aste bukaera honetan, aldiz, Aramaiok ez du jardunaldirik jokatuko; ekainaren 5-6ko aste bukaeran izango dute hurrengo jardunaldia, Agurainen aurka. Behin ligaxka amaituta, finalerdiak izango dituzte, ekainaren 12-13ko aste bukaeran, eta finala ekainaren 20an izango da, Laudion.