Azken urte honetan ezer gutxi egiteko aukera egon da; baina, oraingoan, modu xumean bada ere, Gazte Eguna antolatzea erabaki du Aramaixo Tropikaleko Gazte Asanbladiek.
Hitzaldia eta mahai-ingurua
Festa ukitua izango du egunak, baina, horrez gain, hitzaldia eta mahai-ingurua ere antolatu dituzte. 12:00etan ekingo diote egunari: kultura etxean hitzaldia egingo dute. Hain zuzen, kultura bera izango dute berbagai.
12:30ean, bazkaria egingo dute, parkean. Txartelak Añai tabernan jarri dituzte salgai, bost euroren truke: ogitartekoa, zerbeza eta kafea izango dute bazkaltzeko. "Erritmo onean doaz saltzen txartelak", azaldu du Unai Etxenausiak, gazte asanbladako kideak.
Musika izango dute parkean
16:30ean, solasaldia izango dute okupazio eta gune autogestionatuen inguruan, eta ondoren, musikak girotuko du arratsaldea. Ibiza Sound System taldeak jarriko du musika. "Distantziak gordeta eta taldeetan banatuta egongo gara", gaineratu du Etxenausiak