Aste bukaera oparoa izan da Aramaioko pilotarientzat maiatzeko lehenengo hau. Araba mailako trinkete txapelketako finala jokatu zuten zapatuan Gasteizko Astronomos pilotalekuan. Aramaioko Markel Arriolabengoa eta Iñaki Cariñanos pilotariek 30-20 irabazi zuten Txukun Lakua elkartearen aurka, gazte mailan.
Eskuz banakakoa ere Aramaiora
Eskuz banakako txapela ere Aramaiora etorri da. Markel Arriolabengoak 22-15 irabazi zuen Amurrioko Aitor Aranzoren aurka, atzo, domeka. Gazte mailako kategorian izan zen hori, eta Ogeta pilotalekuan jokatu zuten.
Aramaioko pilotarien maila
Denboraldi ona izaten dabil aramaioarrentzat. Aste bukaeran irabazitako bi txapelez gain, Markel Arriolabengoa eta Xabi Errasti Arabako binakako txapeldunak dira, eta Julen Olaizola Bizkaiko binakako txapelduna da Orozkoko elkartearekin.