11:00etan hasi dute ongi etorri ekitaldia San Martin eskolako neska-mutikoek eskolako patioan. Kutxa bira ekimeneko kutxa Aretxabaletatik iritsi da Aramaioara; eta, San Prudentzio bezpera izanda erretretarekin egin diote ongi etorria. Txikitxoenek danborra jo dute eta gainerakoek musikarekin lagundu eta abestu dute.
Manifestua irakurri du zuzendariak
Ondoren, eskolako zuzendari Saioa Uriartek kutxak barruan daraman manifestua irakurri du: Amets Arzallus bertsolariak idatzitakoa. Gainera, eskolako neska-mutikoen ametsak eta aldarrikapenak jaso dituzte, eta horiek ere kutxa barruan sartu.
Ekitaldia amaitzeko San Martin eskolako abestia abestu dute guztiek elkarrekin.
Parkean, 18:30ean
Arratsaldeko 18:30ean eskolako kideek herriari pasako diote kutxa. Parkean izango da ekitaldia, 18:30ean.
