Aramaioko pilotariak Orozkoko pilota elkartean jokatzen du azkeneko urteetan, eta zapatuan Bizkaiko binakako finala jokatuko du, gazte mailan. Bikotekide izango du Laudioko Arkaitz Eskuza. Orozkoko elkartean jokatzen dute biek ala biek.
Aurkariak, aldiz, Dimako Xabi Rekalde eta Orozkoko Ioritz Arbaiza izango dira. Finala Zeanuriko frontoian jokatuko dute, bihar, zapatua, 18:00etan.
"Final parekatua izango da. Ligan elkarren aurka jokatu dugu, eta emaitza gure aldekoa izan da: 22-21. Finalerdietako emaitzak ere antzerakoak izan ditugu: guk 22-9 irabazi genuen eta eurek 22-10. Guk gurea ondo egiten baldin badugu, irabazteko moduan egongo gara", dio Olaizolak. Azkenaldiko eskuko minak gainditu egin dituela dio: "Azken hilabeteetan minez ibili arren, orain hobeto nago, min barik".