Otsaileko osoko bilkuran onartu zuten planei hasiera ematea; eta martxoaren 8an argitaratu zuten Arabako Aldizkari Ofizialean horren berri; hala, dagoeneko zabalik dago alegazioak jartzeko epea.
Hain zuzen, maiatzaren 17ra arte ikusgai egongo dira planak udaletxean, eta beharrezkoak diren alegazioak jartzeko aukera egongo da.
Aramaion dauden hamaika landaguneak arautu nahi dituzte plan bereziekin. Bi fasetan egingo dute: lehenengo honetan, Arexola, Arriola, Barajuen, Uribarri, Suña eta Zabola auzoak arautuko dituzte. Gainerako bostak aurrerago egingo dituzte –dagoeneko lanean dihardute–.
Zalantzaren bat duenak arkitektoarekin egin dezake kontsulta, arkitektoa@aramaio.eus helbidera idatzita edo martitzenetan aurrez aurreko hitzordua hartuta.