Esne bilketa egingo dute egubakoitzean eta zapatuan. Helburua da Lesbos –Grezia– uharteko Kara Tepe errefuxiatuen kanpalekuan daudenei oinarrizko elikagaiak bidaltzea.
Esne osoa
Egubakoitzean, 17:00etatik 21:00etara, eta zapatuan, 9:00etatik 14:00etara, esne kaxak jasoko dituzte Kintelena janari dendan. Behi esnea eskatu dute, osoa, eta iraungitze data luzea duena. Modu horretan, hemen batutako esnearekin eta han erositako frutarekin 7.200 migratzaile lagundu nahi dituzte, oinarrizko elikagaiak eman eta negua pasa ahal izateko.
Ekarpen ekonomikoa
Dirua emateko aukera ere egongo da: Bizum bidez –Zaporeak kodea 00435 da–, edo transferentzia eginez. Horretarako bi aukera daude:
- Kutxabank ES32 2095 5011 80 9115250322
- Laboral Kutxa ES71 3035 0103 88 1030035880
