Udalerri euskaldunetako gazteendako topaketak ekainaren 28tik uztailaren 4ra bitartean izango dira. Beste urte batzuetan egin izan duten moduan, udaleku ibiltaria izango da: Zumaian hasiko da eta Lekeition amaituko dute bidea gazteek.
14 eta 18 urte bitarteko gazteei zuzendutako udalekua izango da. Helburuak izango dira: euskararen inguruan sentsibilizatzea, kontzientziatzea eta eragile aktibo bihurtzea.
Gazte bakoitzak 89 euro ordaindu beharko ditu; eta 50 lagunendako lekua egongo da. Kantaldiak, kontzertuak, jolasak... izango dituzte. Uema.eus atarian edo 943 81 66 99 telefono zenbakian eman daiteke izena
