Astelehenean hartu zuen erabakia Udalak: azken egunotako datuak aztertuta, eta ikusirik eskola bere martxa hartzen ari dela, udal eraikinak berriro ere zabaltzea erabaki dute. Hala, ludoteka zabalik dago eta liburutegiak ere ohiko dinamika berreskuratu du. Hori horrela, 12 urtetik beherakoek ere badute baimena udal eraikinetan baimendutako klase edo ikasketak egiteko.
Kiroldegia
Kiroldegiari dagokionez, nabarmendu behar da Eusko Jaurlaritzako Osasun sailak ezarritako neurriak bete behar direla; izan ere, Aramaio gune gorrian dago. Hala, ez dago baimenduta eskola kirola; eta, kirola bakarka egin ahal izango da bakarrik. Talde profesional edo semiprofesionalen entrenamenduak bakarrik daude baimenduta.
Udal ordezkarien mezua
Udal ordezkariek herritarrei eskatu diete, orain arte bezala, zentzuz joka dezatela: eraikin bakoitzeko protokoloak betez eta arduradunei kasu eginez. Horrez gain, San Martin eskolako kideei "zorionak eta eskerrak eman" nahi dizkie, egiten duten "lan guztiagatik eta egoera latz honetan ere beraien onena" ematen ari direlako.
