Bertso Eskolak, Trikiti elkarteak eta Bizente Goikoetxea eta Papargorri abesbatzek antolatu izan dute azkeneko urteetan Santa Ageda batzea. Aurten, baina ez da posible izango usadioari eustea. Herritarrei zuzendutako oharra kaleratu dute aipatutako elkarteek: "Dakizuenez, azken urteotan, urtero antolatu dugu Santa Ageda batzea Aramaixoko Bertso Eskolak, Trikitixa Elkarteak, eta Bizente Goikoetxea eta Papargorri abesbatzek. Aurten, bizi dugun egoera ikusita, ekitaldia ez antolatzea erabaki dugu. Datorren urtean indar eta umore bikoitzarekin, eta eztarriak sano itzuliko gara, etxez etxe eta baserriz baserri kantuan egitera. Bitartean, ondo zaindu!"