ADIFek desjabetze prozesua zabaldu du Aramaion, Zabola eta Untzilla inguruko errepide batzuetan hobetze-lanak egiteko. Agindua Estatuko Aldizkari Ofizialean argitaratu zuten urtarrilaren 9an; lur-jabeek 15 egun baliodun izango dituzte erreklamazioak aurkezteko. Kaltetuak izango diren jabeek etxean jaso dute jakinarazpena.
Aramaioko Udalak ere jaso du jakinarazpena; izan ere, aipatutako tarte horretan Udalak baditu hainbat lursail jabetzan.
Prozesuak bere bidea
Desjabetze prozesuak bere bidea jarraituko du; eta, behin prozesua amaitzen denean ADIFek obrak egingo ditu aipatutako guneetan.
Obrak A-3920 eta A-4021 errepideetan egingo dituzte. Proiektuaren dokumentazioa ikus daiteke Espainiako Gobernuaren Ordezkariodetzan –Gasteiz– eta baita Aramaioko Udalean ere; horrez gain, www.adifaltavelocidad.es atarian ere. Gasteiz, Bilbo eta Donostia linearen inguruan egingo diren lana dira.
