Aspaldiko eskaera bati erantzuna eman dio Arabako Foru Aldundiak. Hainbat herritarrek eskatu izan dute Udalean Aramaiotik Arrasatera doan autobusak geldialdia egitea Ospitale aurrealdean. Hala, Aldundiak eman du erantzuna: abenduaren 7tik aurrera, Aramaiotik Arrasatera doan autobusak eta baita Arrasatetik Aramaiora datorrenak ere geldialdia egingo du Ospitalearen aurrealdean.
Aldundiak eskaintzen duen ArabaBus zerbitzuko hirugarren lineari dagokio aldaketa. Lanegunetan orduero eskaintzen du zerbitzua, eta, orain arte izan dituen sei geltokiez gain, aurrerantzean zazpi izango ditu.