Indarkeria Matxistaren Kontrako Eguna da gaur. Aldarrikapen eguna da, baita Aramaion ere; bada, manifestazio zaratatsua egingo dute kultura etxean hasita, 18:00etan. Zarata egiteko tresnak norberak etxetik eramateko eskatu dute.
Udalak, Itur-zuri elkarteak eta Aramaixoko mugimendu feministak egitarau zabala antolatu dute elkarlanean Azaroaren 25aren bueltan.
'Zer dira indarkeria matxitak?' erakusketa
Erakusketa zabalduko dute kultura etxean. Gorbeialdeko kuadrillak egindako kanpaina bereziko ilustrazioak jarriko dituzte ikusgai: Zer dira indarkeria matxistak? Ilustrazio bidez indarkeria matxista sortzen, mantentzen eta iraunarazten duten egiturak zeintzuk diren azalduko dituzte.