Kultura etxean teilatua konponduko dute, eta baita barruko eskaileren hormak ere. "Liburutegi aldean hezetasun arazoak zeuden, eta horiek izango dira konponduko dituztenak", azaldu du Lierni Altuna alkateak. Lan horiek egiteko 34.426,88 euroko aurrekontua dauka Udalak. Arabako Diputaziotik obra txikien lerrotik jasoko du dirulaguntza Udalak; 22.574,78 eurokoa izango da laguntza, hain zuzen.
Eskolako lanak
Eskolako lanak, aldiz, laster hasiko dituzte. Musika gela eta ondoko biltegia batu egingo dituzte, eta gela bakarra osatuko dute. Horrez gain, kanpoko aldean gela berria egokituko da garbiketarako materiala gorde ahal izateko. 26.263,98 euroko aurrekontua dute lanek; Jaurlaritzatik 16.370,51 euroko laguntza jasoko du Udalak.