Gorbeialdeko Kuadrillak orri-markagailuen lehiaketa jarri du abian. Lanen marrazkia, leloa edo testuaren gaia librea izango da. Lanak folio edo kartoi-mehe batean aurkeztu behar dira, ondorengo neurriekin: 4,5 x 21 zm –alde bakarretik eta bestelako oinarri batean itsatsi gabe–. Ez dituzte bestelako neurririk onartuko.
Lanak aurkeztu beharko dira azaroaren 26rako Kuadrillako bulegoetan, edo kuadrilla osatzen duten udalerri bakoitzeko bulegoetan edo liburutegietan; bai eskutik eskura emanda, eta baita ziurtatuko postaz bidalita ere.
Sei kategoria
Sei kategoriatan banatu dute lehiaketa:
- Benjaminak: 2 urtetik 5era bitartekoak –2015-01-01etik 2018-12-31ra jaiotakoak–.
- Kimuak: 6 urtetik 10era bitartekoak –2010-01-01etik 2014-12-31ra jaiotakoak–.
- Haurrak: 11urtetik 14ra bitartekoak –2006-01-01etik 2009-12-31ra jaiotakoak–.
- Gazteak: 15urtetik 17ra bitartekoak –2003-01-01etik 2005-12-31ra jaiotakoak–.
- Helduak: 18 urtetik 65era bitartekoak –1955-01-01etik 2002-12-31ra jaiotakoak–.
- Senior: 66 urtetik aurrerakoak –1954-12-31 baino lehen jaiotakoak–.
Hiru sari banatuko dituzte kategoria bakoitzeko: 150 euroko lehenengo sari bat; 100 euroko bigarrena sari bat; eta, 60 euroko hirugarren saria.Benjaminetan eta seniorretan 40 euroko sari bakarra egongo da.