Etxean izan ditzaketen kristalezko poteak hartu, gura duten moduan apaindu eta kultura etxera joateko dei egin dute. Kultura etxean kandela bat jasoko dute kristalezko potearen barruan jartzeko, modu horretan herriko kaleak apaintzeko. Urriaren 30ean, barikua, 17:30erako egin dute hitzordua kultura etxean.
Ipuin kontaketak eta bideo emanaldia
Gainera, etxetik eramandako arropa edo izara zaharrekin mozorroa prestatuko dute. Behin mozorroak eta kandelak prest dituztenean, Arabazan taldeak ipuinak kontatuko ditu herriko kaleetan; eta, bukatzeko, bideo lehiaketara aurkeztu diren lanen emanaldia eta sari banaketa egingo dute kultura etxean.